Këngëtari i njohur italian dhe shumë i dashur për shqiptarët, Al Bano Carrisi ka kaluar dy infarkte gjatë provave teksa përgatitej për koncertin e Krishtlindjeve mbrëmjen e djeshme. Sipas mediave, italiane këngëtari është shtruar me urgjencë në spital, ku i është nënshtruar një ndërhyrjeje kirurgjikale në zemër dhe ndodhet në gjendje të qëndrueshme.
Sipas revistës Oggi, që e kishte kontaktuar këngëtarin mëngjesin e sotëm pas operacioni Al Bano i ishte nënshtruar një operacioni 3 orësh dhe gjendja e tij shëndetësore ishte përmirësuar.
“Tani jam mirë, është shprehur këngëtari i njohur. Gjatë natës më operuan. Nëse gjithçka shkon mirë, brenda pak ditësh do të dal nga spitali. Kam kaq shumë gjëra për të bërë. Në fund të fundit, aty lart nuk më do askush. Do të rri këtu poshtë”, është shprehur me shaka Al Bano.
10 dhjetor 2016 (gazeta-Shqip.com)