Alvaro Morata, ish sulmuesi i Juventusit, tashmë pjesë e Realit të Madridit, ka përfituar nga spektakli i magjisë së iluzionistit spanjoll Antonio Diaz, i njohur si magjistari Pop, për t’i propozuar për martesë të dashurës së tij, Alice Campello, 21 vjeçe, modele dhe blogere.
Morata kishte inskenuar gjithçka kur i kishte kërkuar magjistarit që të thërriste të dashurën e tij në skenë për një numër magjie, skenë ku më pas u ngjit edhe vetë me një unazë në dorë për t’i propozuar martesë 21-vjecares, e cila sigurisht tha po. Çifti janë njohur kur Morata mbante fanellën bardhë e zi të Juventusit, në Torino.
10 dhjetor 2016 (gazeta-Shqip.com)