Sms “interesante” në celularin e vjetër të Russell Crowe

Mesazhe komprometuese për aktorin Russel Crowe? Pas “ankandit të divorcit”, ku aktori shiti 227 objekte personale dhe kinematografike, për të paguar shpenzimet e ndarjes nga ish-bashkëshortja Danielle Spence, zbulohen detaje të reja.

Rrjeti radiofonik australian Triple M ka blerë makinën tip “Benz” të aktorit dhe në programin “The Grill Team” u bë me dije se, kanë gjetur një celular të vjetër të aktorit, ku ndodheshin mesazhe private të cilësuara si “interesante”.

E blerë për rreth 34 mijë dollarë australian, ose 21 mijë euro, në makinën e aktorit të njohur të filmit “Gladiatori”, u gjet një celular Nokia 5110, të cilin me sa duket e ka harruar para se të shiste makinën në shtëpinë e ankandeve ‘Sotheby’s’ në Sidnei, nga i cili siguroi rreth 3 milionë euro.

1 of 4

Në videon e publikuar në Facebook, shihen protagonistët e programit radiofonik, të cilët lexojnë me zë disa mesazhe të gjetura në celular, duke i shoqëruar me “bip”, fjalët e sikletshme, shkruan noa.al.

Momentalisht nuk janë bërë me dije detaje të tjera, por rrjeti radiofonik bën me dije se Russell nuk ka fshitë asnjë mesazh privat në celularin e tij, duke i cilësuar një pjesë prej tyre “me përmbajtje tejet interesante”.

13 prill 2018 (gazeta-Shqip.com)